1891 წელს მხატვარი მეგობრებთან ერთად იმყოფებოდა ეკებერგის მთის გადმოსახედზე, საიდანაც ოსლოს ხედი იშლებოდა, სწორედ ამ დროს გაუჩნდა ტილოს შექმნის იდეა. მუნკმა „კივილის" 4 ვარიანტი დახატა (შექმნილია 1893 და 1910 წლებს შორის). სამი ვერსია მის სამშობლოში ინახება, მეოთხე კი 2012 წელს აუქციონზე რეკორდულ 119,9 მილიონ დოლარად გაიყიდა (ყველაზე ძვირადღირებული ხელოვნების ექსპონატია, რომელიც ღია აუქციონზე გაიყიდა). „კივილი“ - ერთ-ერთი ყველაზე ცნობადი არტ-გამოსახულებაა მსოფლიოში. ადამიანებზე ძლიერ ფსიქოლოგიურ ზემოქმედებას ახდენს. ის იმ ნახატებს შორისაა, რომლებიც კინოში ცნობილი რეჟისორების ინსპირაციადაც იქცა (,,SCREAM“).
მკვლევარები მუდივად კამათობდნენ და თხზავდნენ ტილოს შექმნის საოცარ ვერსიებს: ზოგი ამტკიცებდა, რომ მუნკს სურათის იდეა უცხოპლანეტელებმა მიაწოდეს, ზოგი კატაკლიზმების წინასწარმეტყველებას მიაწერდა... უმეტესობა კი, ნორვეგიელი ფერმწერის ამ ნამუშევარს ფსიქოზის მწვავე შეტევას უკავშირებს (მუნკი ფსიქიატრიულ საავადმყოფოში მკურნალობდა). ხშირად კამათობენ გამოსახულების ახსნაზეც: შეწუხებული ადამიანი თვითონ ყვირის თუ ყურებზე ხელს იფარებს და ამით თავს იცავს მის გარშემო გაბატონებული კივილისგან.
#ნახატისისტორია #კივილი #მუნკი #მსოფლიოშედევრი #georgianartfactory #GAF #GAFstream
Comments
Post a Comment